S´Gwand sollt bei uns koa Grund sei, dass ma net auf a Veranstaltung geht.

Seit einigen Jahrn gibts bei uns an Kleiderfundus der durch Sachspenden (Gwand) aufbaut wordn is. Dafür sama imma no dankbar. Also wenns wos los werdn wollts weilts nausgwachsn seids oder aus sonst irgend an Grund, setzt Euch mit uns in Verbindung. Mia san froh um jeds Stückl wo ma an andern wieda a Freud macha könnan.

Des Gwand soll aber ned blos bei uns rumhänga sonder kon a kostenlos (oder gega a kloane Spende für Reinigung usw.) ausgliehn werden. Gründ dafür gibt`s grad gnua. A zrißne Joppn, ausglatschte Schua, Flecken, a kloana Geldbeutl oder weil ma einfach no ned woas ob ma dabei bleibt (des ist oft bei de Kinda so). Des woll ma aba a gar ned wissen. Wennds wos übrig habts füars Boarische kemmts einfach. Am Gwand solls ned scheitern.

Das des Gwand in einwandfreiem Zuastand is (manchmal sogar neu) versteht sich vo selbst. So woll ma`s natürlich a wieda ham. Ihr segts an de Buidln das unsa Fundus-Gwand net bloß umananda liegt sondern sauber beinand, luftig aufghängt und ordentlich aufgramt is.