Maibaum

Nachdem bereits 1919 in der Lüften draussen a Maibaam gstandn is, wia da Chronist schreibt, is 1952 des ersta Mal am Marktplatz, beim Floriansbrunnen a Maibaam aufgstellt wordn, nach dem Willen des Gemeinderats is a am 26. Mai 1956 wieder entfernt wordn. Unter den Klängen von "Muß i denn zum Städtele hinaus" hamsn abtransportiert. 1959 is dann beim Büachä im Garten der nächste Baam aufgstellt wordn. Erst 1964 ging dann a lang gehegter Wunsch vom damaligen Vorstand Martl Hofstetter und seine Vereinskameraden in Erfüllung, dass da Maibaam sein alten Standplatz am Marktplatz wieder kriagt, an dem Fleck, wo er heit no steht. Es san aa neie Figurn gmacht wordn nach na oidn Vorlage vom ehemaligen Gauvorstand Heinrich Stumpf aus Schaftlach, nachdem vorher die Zunftzeichen der ortsansässigen Handwerker den Baam gschmückt ham. Mittlerweile hat aa die Gemeinde nix mehr einzuwenden, sie sand recht froh, daß a so a schöner Maibaam den Marktplatz ziert.